Сургуулийн амьдралыг хэрхэн хялбар, бүтээмжтэй байлгах вэ?

““Залхуу ээж”-ийн сурагчид” (Goodreads 4.4/5) номын зохиогч нь ээж, багш, сэтгэл судлаач учраас агуулга нь хүнд хүрэхүйц болжээ. Сургуулийн насны хүүхэдтэй эцэг эхчүүдэд хэрэгтэй санаагаар баялаг. Хов зөөх муу юу, дүн чухал уу, даалгавар хийж чадахгүй, эсвэл дургүй бол яах вэ, багштай хэрхэн харьцах вэ гээд олон асуултын хариуг олж болно. Гэрийн боловсрол зэрэг Монголд нэвтрээгүй зүйлс нь сонирхолтой. Харин хүүхдийг цөөн хэв шинжид ангилсан нь тэр бүр нийцтэй санагдаагүй. Хөгжилтэй зураг, хошин дүрслэл нь уншихад хялбар болгосон.Жишээнүүд нь монголчуудын зан чанартай их адилхан байдаг.