Гэр бүлийн тоглоом

Монополи тоглоом хүү маань авсан юм. Гэр бүлээрээ тоглоход их хөгжилтэй. Хөзөр, даалууг бодоход хамаагүй өгөөжтэй. Хоёроос дээш хүн шоо хаяж тоглоно. Тоглоомын явцад хүүхэд бизнес, санхүүгийн суурь мэдлэгтэй болж, мөнгөө хэрхэн удирдахад суралцана. Үл хөдлөх хөрөнгө худалдан авна, татвар төлнө, зарж эсвэл түрээслэж болно, дампуурна, банкнаас зээл авна, шоронд орно. Манайд байгаа нь англи хэл дээр бөгөөд тоглож дуустал нэлээд уддаг. Гэтэл монгол орчуулгатай, богино хувилбарууд байдаг юм байна. Харин бэлэн мөнгийг пос машин болгосон зэрэг шинэчилсэн хувилбар сүүлд гарсан нь хүүхдэд үзүүлэх ач холбогдлын хувьд сонгодгоо гүйцэхгүй гэж уншсан.